| The Clash | |
|---|---|
 {{{caption}}} | |
| Orixe | Ladbroke Grove, Londres |
| País | Inglaterra 
|
| Período | 1976 - 1986 |
| Xénero(s) | punk rock |
| Selo(s) discográfico(s) | CBS |
| Membros | Joe Strummer Mick Jones Paul Simonon Topper Headon Terry Chimes Keith Levene Rob Harper Pete Howard Nick Sheppard Vince White |
| Antigos membros | |
| Web oficial | |
The Clash foi unha banda inglesa de punk rock que estivo activa dende 1976 ata 1986, e formou parte do orixinal movemento británico do punk rock de finais dos 70. A banda chegou a mesturar o punk con reggae, rockabilly, dance, jazz, ska e outros estilos.
Durante gran parte da súa carreira The Clash estivo formado por Joe Strummer (voz, guitarra), Mick Jones (guitarra), Paul Simonon (baixo) e Nicky "Topper" Headon (batería e percusión). O grupo desfíxose a principios de 1986, debido á falta de control creativo e á perda de Headon en 1982 e Jones en 1983 pola fricción interna.
The Clash tivo un grande éxito no Reino Unido dende a edición do seu álbum de debut, The Clash, en 1977. O seu terceiro álbum, London Calling, lanzouse no Reino Unido en decembro de 1979, conseguindo tamén popularidade nos Estados Unidos cando apareceu alí o mes seguinte. Aclamado pola crítica, foi declarado o mellor álbum dos anos 80 unha década despois pola revista Rolling Stone.
As súas letras politizadas, a experimentación musical e a actitude rebelde tiveron unha forte influencia no rock, sobre todo no rock alternativo. En xaneiro do 2003 a banda foi incluída no Rock and Roll Hall of Fame. No 2004 a Rolling Stone a puxo no número 30 da súa lista dos 100 mellores artistas de todos os tempos.
Discografía[]
- The Clash - 1977 (CBS)
- Give 'Em Enough Rope - 1978 (CBS, Epic)
- London Calling - 1979 (CBS, Epic, Legacy)
- Sandinista! - 1980 (Epic)
- Combat Rock - 1982 (Epic)
- Cut the Crap - 1985 (Epic)
Categoría:Bandas de punk rock