[[Ficheiro:Spin maio09.jpg|thumb|250px|Capa do mes de maio do 2009 con No Doubt]] Spin é unha revista musical que informa sobre a "música para a vida". Fundada en 1985 por Bob Guccione, Jr., é a principal competidora da Rolling Stone. Madonna foi a artista que apareceu no seu primeiro número.
Nos seus primeiros anos, a revista destacou pola súa ampla cobertura musical cun énfase nas bandas de rock universitario e na aparición do hip-hop. A revista era ecléctica e audaz, e ás veces caótica. Puntualmente foi unha alternativa á Rolling Stone, cunhas formas máis "correctas" e que naquel intre lle prestaba menos atención á música. Spin meteu nas súas portadas a artistas novos, tales coma R.E.M., Prince, Run DMC, The Eurythmics, The Beastie Boys e Talking Heads, e realizou longos artigos sobre figuras establecidas coma [Bob Dylan]], Keith Richards, Miles Davis, Aerosmith, Lou Reed, Tom Waits e John Lee Hooker.