{{{caption}}} | |
Orixe | San Francisco, California |
País | Estados Unidos |
Período | 1982 - 1998 2009 - actualidade |
Xénero(s) | rock alternativo, metal alternativo, rock experimental, funk metal |
Selo(s) discográfico(s) | Warner Music, Mordam, Slash, London, Reprise |
Membros | Roddy Bottum Billy Gould Mike Bordin Mike Patton Jon Hudson |
Antigos membros | Chuck Mosely "Big" Jim Martin Dean Menta Trey Spruance Mark Bowen Courtney Love Wade Worthington |
Web oficial | http://www.fnm.com/ |
Faith No More é unha influínte banda estadounidense de rock experimental formada en San Francisco, California en 1982 e desaparecida en 1998. O 24 de febreiro do 2009 anunciaron que voltarían a xuntarse para unha xira europea cunha formación idéntica á do tempo da súa disolución.
Historia[]
Faith No Man[]
A traxectoria de Faith No More comezou moito antes da formación da banda. No ano 1981, os amigos Mike Bordin e Billy Gould xa tocaban xuntos e formaban parte da banda Faith No Man, o embrión do que sería Faith No More. Bordin tocaba a batería, Billy era o baixista e completaban a formación Wade Worthington nos teclados e Mike "The Man" Morris na guitarra e na voz.
A sonoridade da banda era un híbrido entre The Cure e Sex Pistols, evidente nas composicións e na postura e voz de Mike "The Man", o líder da banda. Despois dalgúns meses, o teclista Worthington saíu da banda por desentendimentos. O escollido para substituílo foi Roddy Bottum, colega de cuarto de Billy. Desentendimentos resultantes da postura dictatorial do vocalista despertaron en Billy, Bordin e Roddy a idea de que a banda funcionaba mellor cando estaban sen o vocalista.
Coa intención de botar ao vocalista, os tres integrantes decidiron saír da banda, para imediatamente montar un novo conxunto sen o vocalista. O nome da banda sería Faith No More, utilizando un xogo de palabras, xa que o vocalista Mike "The Man", non tocaría "No More" (nunca máis) con eles.
Busca dunha formación estable[]
Os primeiros tempos da banda como Faith No More foron bastante erráticos. Un número enorme de guitarristas e vocalistas pasaron polo grupo antes de atopar a súa primeira formación estable. Entre os guitarristas que pasaron pola banda están: Mike Morris, Jake Crucifix, Mark Stewart, Desmond Trial, Scott Colbertson e Mark Bowen; e como vocalistas pasaron: Joe 'Pop-o-Pie' Pye, Walter, Paula Frazer, Mike Morris e Courtney Love.
A formación de Faith No More só gañou algunha estabilidade coa entrada do guitarrista Jim Martin e do vocalista Chuck Mosely en 1984. Con esa formación, en 1985 a banda gravou o seu primeiro disco, We Care A Lot, pola discográfica independente Mordam. Co disco a banda conseguíu un contrato coa discográfica Slash (subsidiaria da Polygram), e a consecuente posibilidade de alcanzar un público maior, que víu dous anos despois co álbum Introduce Yourself.
En Introduce Yourself, editado no ano 1987, Faith No More comezaba a amosar o son que posteriormente os faría diferentes, sendo un traballo consistente e equilibrado, con elementos tan dispares como o heavy metal, o rock progresivo, e hip hop e o funk.
Discografía[]
Álbumes de estudio[]
- We Care a Lot - 1985 (Mordam)
- Introduce Yourself - 1987 (Slash Records)
- The Real Thing - 1989
- Angel Dust - 1992
- King for a Day... Fool for a Lifetime - 1995
- Album of the Year - 1997
Ligazósn externas[]
Categoría:Bandas de San Francisco Categoría:Bandas de rock experimental Categoría:Bandas de funk metal